|
Gelök begint bij us zčlluf ....
Kint geer ouch hielemaol wegdruime bij aw fčlmbeelde vaan Mestreech
vaan miejer daan hoonderd jaor geleije?
Beelde vaan de merret en vaan väöl aander aw gebouwe.
Sommege zie aofgebroke, mer gelökkeg is d’r ouch nog väöl bewaord
gebleve.
Dees historische fčlmbeelde laote zien wie ’t leve vreuger waor.
Alles liek sjoener en beter.
Es veer d’r bij stčl stoon mote d’r väöl vaan us veurawwers tösse
zitte.
Mer veer weite neet perceis wee dat waor en dát zalle veer
hoegswoersjienelek ouch noets te weite koume.
Wat iech zeker weit is tot ondertösse ederein die op dees beelde
steit, doed is.
Daan bin iech miech devaan bewus wie vergaankelek en kort us leve
is.
Iech vraog miech aof wie die lui ziech vreuger voolte en of zie
gelökkeg waore.
Oondaanks tot d'r väöl erremooj waor, leet d'n eine d'n aandere neet
verrčkke.
D'r waore nog gein sociaol verzieninge. Tóch holpe de lui elkaar
oonder ein.
Us veurawwers höbbe in ’t verleije oongetwiefeld väöl dinger
verkierd gedoon en verkierde käözes gemaak.
Oongetwiefeld höbbe väöl lui stom foute gemaak, want dat doen veer
ouch nog ummer.
Ein dink weit iech zeker.
’t Is ieweg zun um us door us verleije te laote beperke.
Veer kinne nog ummer datginnege doen wat veer gere zowwe wčlle en
deeginnege weure dee veer gere zowwe wčlle zien.
Netuurlek, de kins dien kloete ervaringe noets gans oetwisse of
negere.
Mčr veer kinne wél perbere um neet tot in de iewegheid te blieve
prakkezere euver de foute die veer in ’t verleije höbbe gemaak.
Oondaanks alle elend dee veer op 't nuits zien en wat d'r in de
wereld aon de gčng is, mote veer tóch perbere te genete vaan de
sjoen dinger in ’t leve.
'T begint mesjiens met gčt aordeger te zien tege de lui boe veer in
’t dageleks leve met te make höbbe.
Oets weurt ’t tied um uszellevers (en aandere) te vergeve en
eindelek datgene te doen wat us ech gelökkeg maak!
Alles begint jummers bij us zelluf!
Link
félmpkes euver Mestreech zien heij te vinde..LINK
Félmpkes euver MESTREECH ! |
