De Bassing

(Jan vertèlt)

De Bassing:

 

de Bassing

't terras vaan Lumière aon de Bassing behuurt tot ein vaan de sjoenste terrasse vaan Limburg, is gelege veur de aw energiecentrale vaan de Sphinxfebrikke en heet 'n prachtig oetziech euver 't water.

Neet väöl lui höbbe einig idee wie 't hei vreuger oetzaog.

De Bassing is roond 1825 gegraove op de plaots boe daorveur 't oetgestrekte kloesterkompleks laog vaan de Commandereij "De Nuije Biesen vaan de Ridders vaan de Duitse Orde". De febrikke vaan Petrus Regout en de papierfabrik van L'Hoëst woorte door de aonlègk vaan de Bassing oontslote op de Maos en de Zuid-Willemsvaart. 

De Bassing raakte in de jaore nao de twiede wereldoorlog ummer miejer in verval. De Tummerfebrik vaan de Sphinx aon de noordkant koum nao de bouw vaan 'n nui kentoer en showroooms in de jaore 50 gedeiltelek leeg te stoon.

In de 2e helf vaan de 20e iew naom ouch 't economisch belang vaan de Bassing sterk aof, veural door de aonlègk vaan de Beatrixhave en de demping vaan 't kanaal Luik-Mestreech. In de jaore 60 waor d'r zellufs sprake vaan tot de Bassing gedemp zow weure veur de aonlègk vaan de Maosboelvaar um de binnestad te oontslete. 

Herinnert geer uuch nog 't Vastelaovendsleedsje "Mieljaar aon de Maos Boelvaar ..." oet 1964?
Väöl inwoeners vaan Mestreech zaoge dee weeg neet zitte. 

Zjus wie hie väöl aander dinger woort dee aonlègk toch dedoor geduijd door de politiek. De aonlègk vaan de tram Hasselt-Mestreech is dus niks nuits .....
Zoewie gezag, de Maos Boelvaar kaom d'r oeteindelek in 1978, mèr d'r woort wèl 'n brögk euver de have aongelag, de Bassinbrögk.
Inmiddels zien de pakhoezer verbouwd tot woeninge en in de opgeknapte werfkèlders vinste noe de horeca. 

Good tot zoe get behawwe is gebleve in Mestreech ........

Naor Bove

Bron  Jan Schelling, foto Jan Schelling

eine terök