Bordehal en Café Zuid

Bordehal en Café Zuid:

Bij hoeg oetzundering ´ne foto dee door miech zelf is gemaak.

Op ’t terrein vaan de modern stadswiek Céramique laoge neet zoe lang geleije de febrikshalle van de eerdewerrekfebrik Sociéte Céamique. De febrik woort in 1850 gestiech, binne de vestingswerreke van Wieck.

’t Bedrief stoont bekint vaanwege häör sjoen serviezer en dégelek sanitair. In 1969 woort gestop met de produktie vaan eerdewerrek meh góng men nog tot 1980 door mèt 't producere vaan sanitair, boenao de "Céramique" häör poorte sloot. Allewijl zien in de wiek Céramique neet allein de rèste vaan de aw vèsting te zien, meh ouch nog ’n paar febriksgebouwe, zoewie de Bordehal, de Wiebengahal en de Villa Jaunez, de voormaolige directeurswoening,

De Bordehal dateert vaan oongeveer 1880 en hei is tot wiet in de twintigste iew servies mèt de hand besjèlderd.
Arsjitek Jo Coenen heet in 1999 de Bordehal verbouwd en heet de boetekant zoeväöl es meugelek intact gelaote.
Binne woort ‘ne nuie kemediezaol mèt twiehoondert zitplaotse gebouwd veur de Kemediegróp Mestreech.
Café Zuid en ‘t terras zien obbenuits aongebouwd.
Iech kin uuch zegke dat ´t hei heerlek vertoeve is.

Céramique heet tot oongeveer 1980 nog sanitair, zoewie wásbèk en w.c.pöt heet gemaak.
Iech wow eigelek get euver de Bordehal sjrieve, umtot die ouch op de foto steit.
De productie vaan handgesjèldert eerdewerrek, die hei pläöts voont, woort in 1963 gestaak.

Naor Bove

Bron Jan Schelling, foto Jan Schelling