De Groete Merret

(Jan vertčlt)

De Groete Merret:

De Groete Merret vaan Mestreech

Dees foto dateert oet 1890. In de veerte kinste de gievels aon de Noordwestkant zien ligke, boe noe de kaffees vaan de Printemps, de Défilé, de FM en de Fessa ligke.

’t Standbeeld vaan Mickelers woort hei pas in 1904 geplaots en steit daorum nog neet op dees foto.

De hats versjellende merrete in Mestreech boeste vaan alles en nog get kós koupe. De mieste laoge in de buurt vaan de aw stadspoorte. De graonmerret beveurbeeld laog bei de Slevrowwepoort. Hei kóste de bekkerije, brouwerije, mer ouch de gewoen lui, versjčllende soorte graon koupe. Mehr hei kochste ouch ’t voor veur ’t vie. ‘ne aandere merret, de včsmerret, woort vaanaof de 14e iew bei de Včssersmerret gehawwe. 
En zoe hatste d’r nog väöl mie.
Vie woort ouch op de merret verhandeld. Oersprunkelek laog de viemerret op d’n hook vaan de Kleine Grach en de Groete Merret. 
 

De belangriekste algemeine merret woort tot oongeveer 1875 altied op zaoterdag gehawwe. Eder ambach had ’n vaste plaots ederein moch daor zien eige waor aonbeeje. De greunte, fruit en eerappele woorte beveurbeeld al iewelaank verkoch op de plaots boe noe de fontein met ’t Mooswief op de Merret steit. ’t Standbeeld herinnert aon de typerende 19e iewse mooswiever vaan Sint Pieter. De zaoterdagmerret woort roond 1875 versjove naor de vriedagmörrege.

Naor Bove

Bron  Jan Schelling, foto Jan Schelling

eine terök