|
Herder in de Koompe:
Herder in de Koompe - 1905
Allewijl weer hielemaol trök in ut straotbeeld. Sjäöp.
Vreuger zörgde de herder ut ganse jaor veur zien köd sjäöp en waor
bekans de gansgoddelekke daag in ut veld te zien.
Veural in ut veurjaor, zomer en naojaor trók heer roond door de
koompe en sjraol graasvelde.
Heer waor altied bij zien köd aonwezig en maakte gebruuk vaan ziene
hoond en ziene herdersstaaf.
’s Aovends góng heer trök naor de sjaopskooi of naor ’n vaste
nachwei.
Tegewoordig weurt ’t gebied boe de sjäöp graze aofgezat met ’n sjiek
raster. De herder is zelde mie de gansen daag bei zien sjäöp
present. Op ’n bördsje hink ziene GSM-nómmer.
Moch d’r gét aon de hand zien kinste häöm belle .......
D'r is sinds vreuger väöl veranderd ........
Ouch hei zien bliekbaar versjèllende variante op:
Iech höb ut zoe gelierd:
Seldaotsje speule.
't is goonsdagmiddag en gein sjaol, wat wèlt geer noe nog mie ?
Zègk jonges: Kom toch allemaol, in de Koompe um hallef twie !
Daan trèkke veer in kompenei, ´t tròmpke geit veurop.
Kordaat mèt vere in de rij, Sint Pietersberg op.
Rompete Pompete Pom Pom Pom
Rompete Pom Pom Pom
Rompete Pompete Pom Pom Pom
Rompete Pom Pom Pom
De veendel dee is vaan de Neus, dee weurt de baas, dat sprik.
Kenon dat make veer de Reus en peerd dat weurt de Mik.
En weit geer wat veer speule goon ? De krieg vaan sevetig.
En dee daan doed blijf, wel dee sloon veer ouch weer levetig.
Rompete Pompete Pom Pom Pom
Rompete Pom Pom Pom
Rompete Pompete Pom Pom Pom
Rompete Pom Pom Pom
En goon v'r saoves trök naor hoes, daan slete veer weer vreij.
Want ruizing huurt gaaroet neet toes in us gooj kompenei.
Meh toes gekäöme veul ste pas wie of d'n mäögske deit.
'T rammelt in die rammelkas of dao 'n trömke sleit.
Rompete Pompete Pom Pom Pom
Rompete Pom Pom Pom
Rompete Pompete Pom Pom Pom
Rompete Pom Pom Pom
Nao 't ete gaon iech nao mien bèd, blij touw iech bin doedmeuj.
Meh miene sabel num iech mèt, dee lègk iech aon m'n veuj.
Lang wakker ligke daon iech neet, iech slaop, iech vech, iech sjeet.
Of loup sjoen in de pas, iech druim, dus ech: Iech weit 't neet.
Rompete Pompete Pom Pom Pom
Rompete Pom Pom Pom
Rompete Pompete Pom Pom Pom
Rompete Pom Pom Pom
Naor Bove |
