Ieslolly's:

Ieslolly’s

De ierste ieslolly woort per touwval bedach door de Amerikaan Frank Epperson oet San Francisco.

Begin 1900 had heer es keend oontdek dat ’n reske limmenaad in d’n hoof, dat in ’n vergete glaas nao ’n nach gevruur, vasgevrore waor roond ’t reurstekske. En veural, dat dit ouch nog good smaakte.

Dees naobedachtenes leet häöm neet mie los en in 1924 begós de volwasse Epperson zien herinnering te commercialiseren.

Netuurlek wejde de “Popsicle, zoewie zoeväöl aander dinger vaanoet Amerika, euver naor Europa en woort ouch heij hiel errug geapprècieerd, met name door de jäög. 
Iech dink dat dees foto begin jaore viefteg is genome in de Plenkstraot in 't Stokstraotkerteer.

Naor Bove

Bron  Jan Schelling, foto Jan Schelling