|
Erremooi, verzčt en soldaeteleedsjes
Zeet geer ouch al begós aon ’t fisternölle vaan eur pekske …?
Of behuurd geer tot de kategorie lui die 2 daog veur ’t begin vaan
de Vastelaovend naor Carnavalsshop ’t Mooswief, de Roei Neus of
Blókker gaot veur ’n “orgineel” pekske.
Of mesjiens blijf geer gewoen toes of nóg erger: gaot geer op
Wintersport.
Iech bin oondertösse al begós en mien kreatie vaan dit jaor zal
koumende weke ummer miejer vörm kriege.
Mestreech waor de ierste stad in Nederland die te make kraog met de
zoegenaomde Industrieel Revolutie.
De pepierindustrie en de póttebakkers vaan de Sphinx en de Societe
Keramiek, trókke väöl lui vaan boete aon die oonder beroerde
umstandeghede op de febrikke väöl ore maakte tege ‘ne ermeujetege
kezjem.
Es gevolg hei vaan greujde de ermooj ummer miejer.
Tege ’t ind vaan de 19e iew behuurde ruim de hčlf vaan de
Mestreechtenere tot de ermooizejjers.
De Momus Societeit (de veurlouper vaan Vastelavendsvereiniging de
Tempeleers) deilde in deen tied es chariteitsinstčlling söp oet aon
dees errum lui.
D’n optoch met de Vastelaovend woort ouch georganiseerd door de
Momus Sociteit.
Aon dee optoch woort eigelek allein mčr door de beter gesitueerde
börgerij en de middenstanders mčt hun praolwagele mčtgedoon.
De errum sodemieters vierde hunne Vastelaovend op hun eige meneer.
Zie trókke ‘s aovends vaan kaffee naor kaffee.
Etablisseminte die doorgaons zjus zoe ermelek waore es zie zelluf.
Sjoen kostuums kaomste in deen tied neet tege, want die kóste de lui
gaaroet neet betaole.
De gewoene maan trok ‘ne kösteek euver de kop met ’n paar gate d’rin
en leep achter ‘ne monekaspeuler aon.
Zelfgebrouwe sterke draank waor ’t middel um de cortčsj op de bein
te hawwe.
De wereld stoont op ziene kop, umtot in dees vermomming de slaofse
eerdewčrker in staot woar um ziene baas ‘ns good de woerheid te
zčgke.
In ’t dageleks leve zaote väöl lui oonder de plak vaan de baas
zoonder einege meugelijkheid vaan kritiek of verzčt.
Allein dee eine kier in ’t jaor hadde de lui de meugelekheid vaan
prottest.
Vastelaovend woort daordoor ’n oetlaotklčp.
Dčks góng de Vastelaovend neet door en woort dee door de euverheid
verbooje.
Dreigende oorloge, extreem weer, watersnoedrampe en ouch de
volksgezoondheid woorte door bestuurders aongegrepe um
Vastelaovendsvierders de moond te snoere.
Tijdens de Duitse bezetting woort de Karnaval ouch neet getolereerd.
Gein optochte en gein prinse: tijdens de Twiede Wereldoorlog laog de
Limburgse Vastelaovend stčl.
Dat is althans ‘t officiële verhaol.
Mčr ’t Vastelaovendsblood vaan väöl Mestreechtenere stroomp boe ’t
neet goon kin. Dát waor toen neet aanders ....
’t Sjijnt tot in 1941 vief Mestreechse kaffeehawwers ‘n
proces-verbaal krege umtot ze zoonder vergunning meziek en dans in
hun zaak hadde georganiseerd.
Tot wiet de 19e iew waor ’t Hollands garnizoen in Mestreech aonwezig
mčt soldaote die hun eige leedsjes hadde.
Aon ’t begin vaan 1900 woorte nog ummer soldaote-leedsjes gezonge
met de Vastelaovend.
Zellufs in ’t nao-oorlogs repertoir woorte die nog ummer gezoonge.
‘t Oer-Hollands leedsje "Hup Merjenneke" steit nog ummer op ‘n
prominente plaots vaan de Mestreechse vastelaovendsleedsjes aller
tije.
Nao d’n oorlog woort op 16 november 1945 in de Momustempel
Vastelaovendsvereiniging De Tempeleers opgeriech.
Vaanaof 1946 woort de Vastelaovend weer in iere hersteld en trók d’n
optoch obbenuits oet in Mestreech.
Bijgaond fčlmpke dateert oet dat jaor. De meziek d'r oonder is vaan
Theo Menten "Leve De Lol" met orkčsbegeleiding o.l.v. Piet Bex oet
1957.
Veer zien noe weer bijein
En jij moet niet zo draaien
Nooit geen verdriet
Dee 't daan gedoon heet
Hij is voor mij naar de oost gaan varen
En van je troela
Wij zijn gezworen kameraden
Hup Merjenneke
Veer höbbe gezoonge en niks gehad
We hebben helemaal geen zorgen
How mér op de kis
Veer goon naor Maria
Link félmpkje Jan Schelling
https://www.facebook.com/100002897220267/videos/618135506742724/ |
