|
Fontein en pisbak vaan de Hoegbrökstraot....
De fontein en de pisbak vaan de Hoegebrögkstraot
Hei oonder zien veer 'ne foto oet 1948.
Vaanoet de Aokerstraot kieke veer naor de Hoegebrögkstraot.
Links op de foto zien veer 'n gedeilte vaan de baksteine moer dee
roontelum 't Zjerremiekterrein laog.
Rechs op de foto zien veer de plaots boe de Willemienesingel aonslut
op de Hoegebrögkstraot.
Este good kieks zuuste op 't pleinsje vaan de Hoegebrögkstraot, veur
de openbare pisbak, 'n fontein stoon.
Dit soort fonteine waor bedoeld um de bieste vaan de merretkouplui
en boere die naor de stad koume vaan drinkwater te veurzien.
In deen tied hadste nog gein dierebesjerming en trekhun waore nog 'n
väölveurkaomend beeld op straot.
Ouch de peerd en osse vaan melkboere, greunteboere, bèkkers en
koleboere kóste aon dees fonteine drinke.
In Wiek steit op dit momint nog zoe'n fontein in de Stationstraot
neve de klok vaan Wiek.
Én d'r steit ouch nog ein op de Boschstraot aon de euverkant vaan de
Maos. |
