Gevechte in Wieck

(Jan vertčlt)

Gevechte tijdens de inval door de Prüse in Wieck:

Iech bin gebore op de Hoege Brögkstraat 54 in Wieck, boe ouch mien groetawwers woende op nómmer 29.
Es keend waor iech altied gefascineerd door de verhaole die mien ama en ampa vertelde euver de Twiede Wereldoorlog.
Zoe ouch euver gevčchte op de Hoege Brögkstraot met de Prüse.


Op 10 mei 1940, tijdens de kortdorende "Slaag um Mestreech", trókke Duitse tenks door de Hoege Brögkstraot, op weeg naor de aongelagde noedbrögk euver de Maos (de bestaonde brögke waore ieder door Nederlandse springcommando's oonklaor gemaak). Weerstand woort tevergeefs gebooje door 'n sectie vaan 't grčnsbataljon vaan 't 13e Regiment Infanterie.

Op d'n hook vaan de Wieker Grachstraot sloog 11 mei 1940 'n geallieerde bom in, die hoegswoersjienelek bedoeld waor veur de Duitse noedbrögk. Tijdens d'n inval woort 'ne Duitse tčnk-commandant, toen heer met ziene kop bove de gesjutskoepel vaan ziene Panzerkampfwagen oetkaom, doedgesjote. De infanteriste laoge in de portiek vaan café de Piepelaoj en bij 't Martinusbuurthoes, sjuins aon de euverkant, verdčk opgestčld.


Umtot de Prüse dachte tot vaanoet 't hoes vaan mien groetawwers waor gesjote, woort vaanoet d'n tčnk 'n brisantgranaat op 't hoes aofgevuurd.
De explosie zörgde deveur tot 't gans hoes mčt rouk gevöld woort. Via 't plat daak vaan 't achterhoes. dat ze via de steiweeg kóste bereike, kós de ganse femilie vlöchte.
Later voonte ze fragminte vaan de brisantgranaat op 't huiske, dat aon de steiweeg laog, Panzergranate 20x138B Hartkerngeschoss.


Gelökkeg tot d'r op dat momint niemes op zaot....

Foto vaan 't hoes vaan miene ampa en ama, Hoegbrögkstraot 29.
Hei woort tijdens de Twiede Wereldoorlog vaanoet 'ne Duitse Pantzertčnk op 't hoes gesjote.

De hiele väördeur laog d'r oet en de rechter hardsteine deurpós (achter miene ampa) woort kepot gesjote. Bei 'n later restauratie höbbe dee deurpós vervaange.

Bron  Jan Schelling, foto's Jan Schelling.

eine terök