|
De Merret:
Nao de Vriethof, is de merret ’t bekinste plein vaan Mestreech.
De Merret waor vaan aajdsheer ’t middelpunt vaan de stad. Vanaof de
Middeliewe woort d’r zoe oongeveer ederen daag ‘ne merret in
Mestreech gehawwe.
Neet allein op de groete Merret, mèr ouch op versjellende aander
pleinsjes in de stad. De ambachsliede in de stad regelde alles veur
die merrete. De plaotse, d’n tied en wee daor wát moch verkoupe. Op
die merrete kóste neet allein de inwoeners vaan Mestreech mèr ouch
de lui vaan boete de stad en de boere hun spölle verkoupe. Die
verkochte miestal graon, vie (bieste), brandhout, eier, wien, en
mèlk. Zie kóchte ouch spölle op de merret, die ze op ’t platteland
neet kóste koupe. Spölle zoewie beer, keerse en meubels. De mieste
spölle dieste op de merrete kós koupe woorte in versjèllende
hoeveelhede verkoch. bösselke, peursike of hemfelke.
Graon dat op de graonmerret woort verkóch, woort verkóch per sjépel.
Dat waor zoe’n 28 liter. Brandhout woort miestal per centenaar
verkóch. Dát waor zoe’n 50 kilo. Wien kóste koupe per aanker, wat
mèr liefs 40 liter beteikende. Gelökkeg bestoont d’r miestal ouch de
meugelekheid um slèchs eine liter te koupe, dát númde ze ‘ne mèngel.
Väöl plaotsnaome doen us nog herinnere aon de lokaal merrete die d’r
in vreuger jaore woorte gehawwe. De Graonmerret, Vèsmerret,
Ezelemerret, Keesmerret, Vèrkesmerret, Moosmerret en zoe miejer.
Sommige naome zien jaomer genóg verdwene …...
In de loup vaan de jaore is de Groete Merret dèks op de sjöp
gegaange, obbenuits ingeriech en weer oonderste bove gedreijd, mèr
noe levendeger daan oets.
Tot roond 1900 woort in Mestreech door väöl lui Frans gesproke.
Frans waor sjiek en de behoors tot de beter lui, este die taol
machtig waors.
Mèt Frans kóste voeroet en laog 'n gewèldege touwkoms veur diech ope.
Daorum is 't mèt miech bliekbaar noets gèt gewore en höb iech 't
bliekbaar noets good begrépe ...
|
