De Helpoort

(Jan vertèlt)

De Helpoort:

De Helpoort (1868)
De stad Mestreech waor in de ierste helf vaan de 19e iew nog ’n sterke vestingsstad. In de loup vaan 4 iewe waore roontelum de middeliewse stadsmör väöl verdedigingswerreke aongelag.

Iech zaog op "de bis vaan Mestreech este ..!" de vraog veurbei koume boerum de Patricierswoeninge in ’t Stokstraotkerteer zoe kort bei elkaar gebouwd waore.

Dat koum umtot d’r te wieneg plaots waor en de vestingsmör de grens vaan de aw stad waore. Miejer ruimte waor d’r gewoen eweg neet.

Deginnege dee in deen tied de stad in of oet wow, moos dat doen via ein vaan de 7 bewaakte stadspoorte. ’s Aovends ginge die poorte tow en vreug op de mörrege weer ope.

Haverwege de 19e iew raakte de vesting Mestreech verawwerd. Vaan “euverheidswege” woort in 1867 beslote um dees op te heffe en te slope, dit ouch um oetbreiing vaan de stad en de oontwikkeling vaan de industrie meugelek te make.
De aofbraak vaan de stadspoorte voont plaots tösse 1867 en 1874. De aofbraak vaan de Stadsmör góng door tot aon ’t begin vaan de 19e iew. Victor de Stuers maakte ziech d’r stèrk um ’n gedielte vaan de umwalling aon de zuidkant vaan de stad te behawwe.

De Helpoort die geer op dees aofbeelding zeet maakte deil oet vaan de ierste stadsumwalling en woort hoegswaorsjienelek roond 1230 gebouwd en woort daankzij Victor de Stuers neet aofgebroke en in 1881 zelfs gerestaureerd.

Lof aon dee maan!!!

Bron  Jan Schelling,  foto Jan Schelling.

eine terök