Oranjegeveul in Mestreech

(Jan vertčlt)

Oranjegeveul in Mestreech:

Oranjegeveul in Mestreech

Iech höb werkelek gein idee wie ’t noe gesteld is met de leefde veur ’t Keuningshoes in Mestreech.

In eder geval wäör hei aon ’t eind vaan de 19e iew totaal nog gein sprake vaan.

Oonderwijl waor ’t hoes Oranje-Nassau roond 1900 al dreikwaart iew aon de mach. In 1895 bezóch regentes Emma en häör dochter Wilhelmina veur d’n ierste kier Mestreech. Nao de aofsjeiing vaan Belsj in 1830 wäör Brussel geveulsmatig nog ummer korterbei daan Den Haag. Vaan ‘ne band tösse de Oranjes en Mestreechtenere waor nog lang gein sprake en beperkte ziech allein tot de bovelaog vaan de bevolking.

Netuurlek kós Petrus Regout good opsjete met zoewel Willem I es met Willem II.
’t échte Oranjegeveul oontstónd pas toen de 15-jaorige Wilhelmien en haor mam (Emma) Mestreech in 1895 bezóchte in verband met de troenswisseling drei jaor later.

’t Bestuur vaan de Societeit Momus, zörgde deveur dat de keender vaan de erm lui ter gelegenheid vaan ’t bezeuk nui kleier krege. De 8-jaorige Pierre Kemp waor oetverkoze um Emma en häör dochter Wilhelmien ’n blómke aon te beje. Jaomer genóg veur de latere diechter Pierre, stoont heer aon de verkierde kant vaan de weeg en heet heer dees blómme noets aon de Oranjes kinne euverhandige. Zestig jaor later waor heer nog ummer neet devaan bekoume.
Heer sjreef toen: "En stil verpleeg ik mijn kinderlijk verdriet: mijn rozen kreeg het Koninginnetje niet” ......

Op bijgaonde foto’s zeet geer ’n Ierepoort die speciaol ter gelegenheid vaan ’t bezeuk vaan Emma en Wilhelmien woort gebouwd. ’t Waor ’n reconstructie vaan ’t histories poortgebouw dat tösse 1280 en 1800 op de brögk zow höbbe gestande .

Mesjiens ’n idee veur es Willem-Alexander en Maxima weer 'ns naor Mestreech koume ........

Bron  Jan Schelling,  foto Jan Schelling.

eine terök