Poorte:

Sint-Maartenspoort - veldzijde, juni 1868

Begin 1867 waor Mestreech én Wiek nog umgeve door hoeg stadsmör mèt 38 rondele en 7 stadspoorte.
Direk daorboete laog 'n imposant stèlsel vaan lunette, bastions en zoegenaomde boetewèrreke (verdedigingswerreke).
Aon 't ind vaan de 19e iew waore 't neet langer vreemde legers, die aon de stadspoorte rammelde um Mestreech in te wèlle numme, mèr 't industrieel tiedpèrk dat in opkoms waor.

Mestreech had miejer ruimte nudeg. Die middeliewse stadmör stoonte in de weeg. De vestingswerreke woorte gesloop en ringweeg, nui woenwieke en de greujende industrie völde de plaots, boe die vestingswerreke hadde gelege, obbenuits in.
In deen tied had Mestreech mèr eine fotograaf.
Theodoor Weijnen, maakte tösse 1867 en 1874 dertig zoegenaomde "fotogrammen"’ vaan de te slope towgaankspoorte en vestigsmör.
Op dees foto zeet geer door de buim nog de kroettore dee in datzèlfde jaor gesloop woort en in de Maos woort gekwak ......

Ieweg zun .... !

Duitse Poort / Aw Wiekerpoort / Hoegbrögkepoort of Aokerpoort

Allemäöl benaominge veur de stadspoort die aon de Ooskant vaan Wiek laog in 't verlengde vaan de Hoegebrögkstraot.

De foto dateert oet december 1868, vlak veur de aofbraak
Oersprunkelek waor dees foto netuurlek neet in kleur.
Este door de poort loers zuuste nog de aw bebouwing aon 't begin vaan de Hoegebrögkstraot ....
D'r is väöl verdwene, mèr gelökkeg höbbe veer ouch nog väöl beeldmateriaol vaan wie Wiek oets heet oetgezeen .....

Oetgebouwde rondeeltores.
 

De poortdoorgaank door de walmoer waor oongeveer 25 meter laank.
 

Op de veurgroond zien veer tot de brögk aon de veldkant 'n vás steine gedeilte had en aon de kant vaan Wiek 'n ophaolbrögk.

Duitse Poort / Aw Wiekerpoort / Hoegbrögkepoort of Aokerpoort

En noe vaan de kant vaan de Hoegbrögkstraot oet gezeen.

Es geer good loert zuut geer nog kaffee 't Brandpunt ligke, op d'n hook vaan de Hoegebrögkstraot mèt de Liege Barakke

Bron  Jan Schelling, foto's Jan Schelling.