Mestreechter Brögkstraot

(Jan vertèlt)

De Mestreechter Brögkstraot:

Winkels in Mestreech waore roond 1900 hoofzakelek bedoeld veur luij oet de middeklasse en de elite, die hoofzakelek Frans spraoke. In de negentiende iew ontstoonte steeds miejer winkels in de stad. Wie deftiger wie beter. 
Vaan teveure deech men inkoupe op de dagelekse merret, boe vaan alles en nog gèt te koup waor. Speciaol zake woorte bij ambachsluij toes gekocht. Sjeun bei de sjeunmeker en sjarnere bij de smeed. 
Winkels hadde ut groete veurdeil dat ze dageleks geopend waore, ouch op zoondag nao de mès. Ze hadde lang openingstije tot wel tien of èlf oor 's aovends. 


Rond 1900 ontstoonte de ierste waorehoezer, zoe wie Maussen in de Wieker Brögkstraot.
Ut waor 'n woer revolutie, doezende artikele te koup in ein zaak! Vaan oonderbreuk tot zakdeuk. Allein de apaarte inpakaofdeiling waor al indrökwekkend. 
Maussen woort veural drök bezoch door de boere die 's mörreges op de merret hadde gestande. 
Ze zatte hun verdeenste metein um in benudigde spölle.
Ein jaor later opende de Grand Bazar häör deure op de kop van de Mestreechter Brögkstraot, die pas flink verbreid waor door de aofbraak vaan 'n rij hoeser. 
Deze foto is oet 1890, naodat de Mestreechter Brögkstraot waor verbreid, mèr veurdat de Grand Bazar waor gebouwd.

Naor Bove

Bron  Jan Schelling, foto's Jan Schelling en Delcampe

eine terök