|
Onze Lieve Vrouwewal:
Onze Lieve Vrouwewal (1895)
Us veurawwers wiste sommige dinger väöl beter daan veer.
Zuuvere witte was kump regelmaoteg toch graw of met vlèkke oet de
wasmachien, oondaanks ut gebruuk vaan vlekkemiddel.
Väöl vrowlui (en mesjiens ouch manslui), zien de wanhoop soms naobei
en vraoge ziech aof wie ze dee was nog zuver kriege …..
Vreuger woort de was gebleik in de zon.
De zon is ’n netuurlek bleikmiddel dat beter werrek daan
vlekverwijdereer.
En dat gratis en veur niks …!
Iech vräög miech aof of iemes ziech nog de meujte nump um dee was
nog fetsoenlek te bleike.
Iech kin miech dat bekans neet veurstèlle.....
Väöl lui herinnere ziech nog de Bleikerij op Sint Pieter. Mer d’r
wäöre väöl miejer plaotse in Mestreech, boe de was op de bleik woort
gelag.
Us veurawwers oontdekte lang geleije dat de was witter en frisser
woort door dee nao ut wassse op ’n graasveld oet te spreije.
Daorum woort ’t linne en aandere witte was, iewelaank op de bleik
gelag.
In uzze wereld vaan druugtrómmels en vlekverwijderere is de
bleikkrach vaan de zon gans vergete.
Vergete, zjus wie veer väöl aander dinger vergete zien .......
Naor Bove |
