De Sjat vaan ut Vriethof

(Jan vertèlt)

De Sjat vaan ut Vriethof:

DE SJAT VAAN UT VRIETHOF

Volges een hardnekkig geröch zow d’r tijdens ut Belègk vaan Mestreech in 1579, örregs in of roondum de Sintervaoskèrk ’n sjat zien begraove.
Begin 19e iew woort d’r neersteg naor die sjat gezoch en woorte d’r versjèllende poginge gedoon um die sjat te vinden en op te graove. 
‘Ne zekere Willem Heck zoch veural in ut Vagevuur, ’t sträötsje tosse de Sint Jaan en de Sintervaos. 
Toen heer storf in 1820 waor die sjat ummer nog neet gevoonde.

Iech dink tot iech weit boe die sjat is.
Die sjat is neet begraove, meh bevint ziech gewoen bove de groond en is veur ederein, dee daor ouch veur heet, ziechbaar.
De hiel umgeving is ein groete sjat. 'N sjat die veer moote koestere, verzörrege en bewaore veur us kinder en de opvolgende generaties. 
Hans Hoorn, aajd adjunkdirecteur Stadsoontwikkeling vaan de gemeinte Mestreech, gief daor regelmaoteg lezinge euver. 
Heer wèlt de luij d’rop wieze tot de stad Mestreech neet ten oonder moot goon aon zien eige populariteit, vercommercialisering en zeker gein Disney World moot weure. 
Es Hans weer ‘ns un lezing gief en geer in de gelegenheid zeet um daornaor tow te goon, moot geer die kans neet laote ligke.
Iech weit zeker tot heer ut neet errug zal vinden es iech ein vaan de aofbeeldinge oet zien presentatie aon uuch laot zien, es veurbeeld wie ut neet moot.


En tot Hans geine vaan oet Mestreech is, is häöm vergeven

Naor Bove

Bron  Jan Schelling, foto Jan Schelling.

eine terök