|
NOSTALLEGATIE
Gistere leep
iech euver de Sjaanderweeg De weeg dee in vreuger jaore begós bij
kaffee Claosens op de splitsing vaan de Bergerstraot en oetsjeide
bij d’n euverweeg. De kaffee had e terras belag mèt kiezel en
gemeubileerd mèt iezere täöfelkes. Ronne. De drei puu lepe geboge
oet nao de groond. De steul waore gedeiltelek vaan iezer en de
rögkleuning en zit waore vaan hout.Gehiel inklapbaar. Prachtege buim
gaove nog ‘ns ’n extra cachèt aon de beeldvörming. Door de weeks
waor de kaffee neet altied ope, mer Zoondags ´s mörregens altied.
Nao de Hoegmès woort hij minnege kaartspeul-oorlog oetgevochte.
Ezele ,mer ouch en veurnaomelek tóppe. De op veer plaotse oontstande
deuke in ´t taofelblaad waore ´t bewies .` Iech pas`, klink ´t nog
in mien oere en dao achteraon kom daan de voesslaag um ´t accent op
d´ne daod te lègke..Um twie oor woorte de kinder gesjik um de Pa´s
vaan hunne financiële oondergaangk, in de vörm vaan rundsjes beer,
te redde. Mèt e stök sjókkolaat veur ´t keend, woort d´n tied dee
Pa te besteie had, get opgerek. De hinnesop die Ma edere zoondag
maakde moosde nog eve wachte…..Oonderwijl gaof Pa ’t keend nog e
stök……!
Es iech
vaanaof nommer daarteg op de Sjaanderweeg riechting de Martinussjaol
in Wieck leep in die jaore ,kaomste langsTrui Kooymans, de
greuntewinkel,en Sjèls de tummerfebrik.Veur de poort ´n handkaar en
binne waor altied eine ,dee vaan aofvalhout kleppers veur us maakde.
Einmaol veerdeg ,iers de oonderkante aofbranne Nouw daan hadste de
bèste kleppers vaan de ganse sjaol.En mer houwe demet, totste de
blaore tösse d´n vingers had. En mer zwejje mèt die ‘kleppe’.
Oonderweeg nao
sjaol doge veer ouch wel ´ns ne sumpele vörm vaan ‘kloet goeje.Eder
´ne sjoene Maoskei in de han en al laopend goeie de kei vaan d´n
aandere perbere te rake. Gevolg, te laat op sjaol en thoes kraogste
ze daan op d´n kl……te.. De broeders die lès gaove kóste jummers niks
veur ziech hawwe. Alles woort doorgeblajerd………….!en /of in ’t
rapport vermeld..
Daan ’s
winters mèt kloompe door de sjnie. Ouch get watste allewijl neet mie
mètmaaks.´Ne lijdens-weeg. Este vaan hoes gongs maotste 1.60 mtr.
lengte.Waorste koelek oonderweeg waore dao al gauw 5 tot 8 cm
bijgekoume. De sjnie kloonterde z’ch vas oonder d´n kloompe.De
‘gooj’sjeun stoon-te thoes in de kleierkas!! Vaan d´n inkele woort
´t uuterste gevraog .Umklinkend nao links en rechs gaof ouch weer
zoeväöl vertraoging , tot deez kier de Mès in de Martinuskèrk woort
gemis.En hup bij Mèsseverzuim weer e striepke op ´t report
debij.Nein,´t waors ech` lije`mèt ’n lang ij in deen tied.
In miene
Liegere Sjaoltied laoge ouch de sjuilkelders nog op ´t Keuningsplein
en tösse de Passerel en de groete euverweeg. Wie veer ´ns op ´ne
Goonsdag sportdaag hadde op de pepierfebrik, pa wèrkde dao en d´n
oorlog waor nog flink aon de geng, kraoge veer es kinder lekker sop
um aon te sterke. Wie veer vaan de sportdaag en de lekker sop op de
trökweeg waore nao hoes , woort zjus de Spoorbrök gebombardeerd.Me
broor en iech höbben us toen lètterlek de plenkskes oonder eus veuj
oetgeloupe.Pa had vaan plenkskes vootoonderzètsels gemaak. ’n
Aandere naom kóste veer veur die kunswerke vaan Pa neet verzinne.
Aon de zijkant sleuven en daordoor,ouch weer zellevers gefisternölde
reemkes. Bij normaal gebruuk hadste gein probleem, mer bij ´t trèkke
vaan e sprintsje umdat ein of aandere agressor ´t op de luikes had
veurzeen , dao had Pa neet opgerekend. Ein `oonderzètterke` verloor
iech en d´n aandere leet los en kós iech al rennend mètsjnappe.De
sjuilkelder in en veileg waore veer….. Mèt ein plenkske minder
oonder mien veu.Dat wel.
En dee
prachtege , staotege euverweeg.Twie kier twie grote slaagbuim en
twie kier twie kleine.Noets örgens aanders gezeen.Wat höb iech dèks
stoon te loere es de stoomlocomotieven hun ketels völde. mÇt
water.Dèksel vaan de ketel aof , sjloek debove dreije en daan
stroomde ´t water ´t masjien in.. Groete stoomwolke oetstoetend
vertrok heer daan weer . Prachtege techniek.
Zoonder water
geine stoom en zoonder stoom bleef de locomotief stoon
Aon eine
kleine euverweeg stoond ´t ieskräömke vaan Venezia. Meineg
döbbeltsje is ´t sigarekiske(geldkis) verdwene. Later , wie iech
groeter waor ,uhem, stoond heer bij de ambachsjaol in de St
Maartenslaon.Vaan häöm koch iech mien ierste sigrèt. Old Mac veur 5
cent. Heer maakde ziech steinriek daomèt.Neet vaan miech allein
netuurlek. Vaanoet de speulplaots rende de haaf sjaol nao ziene
greun roeie/wit/greune bakfiets dee ´t model had vaan ´ne kano en
glunderend gaof heer ´t gevraogde.Thei Venezia , de fritteboer in de
Lieg Barakke , de straot boe ouch de St.Martinussjaol laog en de
Aloisiussjaol , leep ’t nao sjaol neet bepaold störm. Wee had
indertied 25 cent um ’n tuut friet te kinne betaole, De zoondagscent
waore neet touwreikend.
`´t Controlere
vaan de temperatuur vaan ´t vèt doog heer door dr ´ín te spije.´t
Sisgeluid waor bepaolend. Dat waor vreuger gans normaal. Rita op de
Toongersestraot doog dat ouch…!!
´t
Bovenstaonde geit diech allemaol door de kop, wandelend euver de
weeg boe m’n awwershoes stoond en nog steit. Esof ´t gistere waor.
Wat ‘ne prachtege tied..ACHTERAOF.
Blikske stampe,
kokerelle, reipe, verstöpperke, moerbokke, litse, knikkere,
voetballe en GOVIE bal in rope es ´ne pelitiemaan zich op ziene
fiets leet zien. Toen kraog d’n deender respek.Dat hadde veer vaan
Pa en Ma wel mrespek.Dat hadde veer vaan Pa en Ma wel mètgekrege.
Eve sjuive veur peerd en kaar, es gezin nao de kèrk goon,
mèssendeender en /of koerzenger zien. Bij ´t verstöp-perke speule
oet de väörtuintsejes gejaog weure. Prachtege häögenisse , boe iech
persoenlek vaan vin dat die, oondaanks deen gooje welvarende tied
boe veer noe in leve, door miene kop mage blieve`speule`……………………….
Opjam Gène |
Één
van mijn 'onuitputtelijke' bronnen is Eugene Schoenmaeckers, Eugene
of beter gezegd 'Opa Jam' is gezegend met een geweldige
woordenschat. Die woordenschat kan hij ook nog eens op een
humoristische wijze neerpennen, en als dat nog niet genoeg is, doet hij het ook nog eens
in het Maastrichts, veelal voor de familie of met de Sinterklaas , maar
ook steeds meer voor de buitenwereld. Voor mij als Mestreechter
Steerke een eer
om zijn verhaaltjes, versjes en verdere uitingen op mijn site te
mogen vermelden.
Eugene
heeft ook een boek uitgebracht getiteld 'De Kaafmouze'.
